راح

خطف عمر إبنى وراح

سرق فلوس بلدى وراح

خد الشر وراح

بس وحياة اللى فات

عمرك يامصر

ماحتعودى للي فات

كفايه عليك حبيبتي

كل الحزن والآهات

من النهاردة أفراح

النهاردة زغاريد للصباح

وزعوا الشربات

علي روح ضنايا

اللي دمه ماراح

ورقصونى ياناس

وهاتولي زير

أكسره من وراه

دا النهاردة عيد

علي قلبك ياكل مصرى

دايما سعيد

والله قلبى بيدق

ودقاته بتقول

ياشباب الورد

إنت عظيم بجد

بيك خدت حريتى

بيك رجعت ضحكتى

بيك مسحت دمعتى

بيك مصرنا تعلى وتعلى

ودنيتنا حاتكون دايما

أحلي وأحلي

مبروك ليك يامصر

وأرفع راسك ياأبن بلدى

فأنت مصرى