بس قلى لمــــــا تفيــــــد
والله
قلة أدب
ليه يشح
ومن غير سبب
ياحكومة
كفاية
فينا عكننة
عايزانا نطفش
ولا في حيطة نخيش
القصد
غالية شويتين
بس الغالي تمنه فيه
4/1 وقية
دوغري مالصحرا
هديــة
مكن وآخر معننة
ووصلت بالسلامة
لأرض الكنانة
وعدت مالحدود
فاتت وجاتلى
ماعرف ندهتها
ولاندهتلى
وافية
حرة
ومش قلة
كبسها آلى
والكرف عالى
والضرب عالكيف
مغربي
ورقة بوسته
لاعايزة تتسخن
ولاحتي تتخدم
وهبوها كأنه طيف
طيعة
دبوس تعلق
زغاريف تلف
غرقانة ماشي
معالق لما تهف
سم
أنفاسها قاتلة
فى الدماغ فايتة
تقولشى سيف
بهججة
كنيتها سلطانى
والأسم حلوانى
بتدندش التناتيش
طرف
من بتاع زمان
ماللى وصى عليه لقمان
للمزاج شفا
أشطت وش فرش
باشا ومالية توبها
تظبط اللقطة
لا بتجيب صداع
ولا تلحس الدماغ
مالهرش
إصطباحتها
إشطه بالملبن
وألف وميت هنا
يا صباح الصباح
لافشل ولاحناكيش
نعمة
ومن كرهها يعمى
لايسحبه عدو
ولا يحن له حبيب
حجرين
يامعلم لما تفيد
ويومك يحلو
ويقلب لعيد
بعلو صوتك
في مظاهرة تأييد
مع الناس الحلوة
مش بتوع الويد
أهتف معاهم وقول
لأن من حقه
عليك إنك تقول
الشعب يريد
رجوع الحشيش
ليست هناك تعليقات:
إرسال تعليق