حــلم ولا علــم
حـــــــــــــلم ولا علــــــــــــم
زمامــــــــير .. شخــــاليـــل
طـــراطيــــر .. مهـــــابيــــل
هي دي الدنيـــا وهوا ده حالهـــا
ياما رقصتلي ياما
وياما أكتر رقصتني علي حبالها
عشتها بالطول والعرض
ووصلت فيها لاخر الأرض
لحد ماجابتني أسفل أرض
ومن كتر الزعل
لقيتني فجأة بكتب زجل
ولا من مرار خيبة الأمل
والحب اللي كان
كان أيام زمان
راح وراحت أيامة
وكأنه ماكان
وباين حاقضيها وحيد
لا حبيب يسر خاطر
ولا صديق يبل ريق
والكلام الحلو والمر
أتحجر في حلقي
كأنه عود حطب قاسي
اتغرز ومات جوه قلبي
لا العيد عيد
ولاحتي بقي سعيد
وتيجي منين السعادة
وفي ناس الخداع عندهم عبادة
لا شفعت كلمة حلوة
ولا نفعت بيوم مرة غنوة
تشفع ليه وتنفع أيه
ده حلم اللي أنا فيه ده ولا كابوس ؟؟
لأ كابوس !!!
ده علــــم .. أيوه علـــم
حتي بصوا .. حتي شوفوا
هدف حياتي الوحيد
طلع تسلل !!!!!
ليست هناك تعليقات:
إرسال تعليق