مبروك مبروك مبرك
مصر اليوم في عيد
النهاردة عيد الأعياد
عيد سقوط الصنم الجماد
عيد الأمان اللي عاد
وبكره فاتح دراعاه للولاد
الفرحة الكبيرة رجعت
فرحة إستعادة الكرامة
ويالا السلامه للفساد
مبروك عليكى يامصر
مبروك عليكي النهار
تعبتي كتير من الإنتظار
لما الديب كان ناشب مخالبه
والعنكبوت عشش عالحيط
والأخطبوط لفلف إيدينه
والكلاب عوت في الغيط
بس خلاص راح الظلام
وولادك
بلارجعة طردوا اللئام
الجيف والرمايم
حرامية فلوسنا والأحلام
بس النهاردة في يوم العيد
لبسنا ثوبك من جديد
وجينا نبوس إيديكي
ونعاهدك تبقي أحلي
ودايما فوق الجميع
ونقولك بعودة الأيام
ياأمه .. ياغالية علينا
بنضربلك تعظيم سلام
ليست هناك تعليقات:
إرسال تعليق