صــرارى الصــدف

صَــرَارِى الصَــدَفّ

والله بِحبا كُومات كُومات

وشو كان بدى أنا بِهيك شّغلات

ومَرقِت عا بالى طَلتها ... إشتاقتلها

ففتَّشتِ بكتاب العمر عن شي قصيدي

 لسَّه ما كتبتا

أوعن نادرة حصلتْ معي بومضةْ زمنْ

وكتيرِ حبَّيتا

وقَّفتِ عا شطِّ الفكرْ والموجِ عمْ يرمي

بِيتَا لعندي كنوزْ

لولو ومرجانِ بصراري منْ صَدفْ

 بالروح خبيِتا

خطفتِ الصراري بالفرحْ وهربتِ فيها

بعيدِ عن عيونا دَاريتا

حتى ماتحسد فرحِتي بكنوزِها

 لمَّا أنا لِقيتا

 هونيكْ جواتِ الزمنْ هالغابِ بالنسيانْ

كانتْ لنا حكاياتِ بعيونا القمر سهرانْ

والوردِ عمْ يشلحْ عطرْ

برشقات موجاتِ البحر فرحان

ونْوارسِ الحبِ الوفيّه مالية الشطآنْ

آه ..  يا حبيب الروح ما أحلى زماني كانْ

 قلبي بنارو بيكتوي لمَّا عابالو اتْعنّ

طيف حياتنا فى بيتنا

 وقلبي إلَها بِيحنْ

بترجعْ بنسمات العبيرِ ملفلفي

بشوفا وبجي راحْ جِنْ

بركضْ لصوبا.. بتختفي

كأنا بدها من عذابي تشتفي

برجعْ لحالي بدمعتي

والشوقِ دابحْ مهجتي

وما بيستحي من لهفتي

بكعب الدسِت

عنْ عادِتو ما يكنِّ