عم الحمير

عــــم الحمـــــــير

     آه .. يا زمن الحواه      
الغش فيك طوق النجاه
زمن الحواه يا زمن الحواه 
كل الأمور فيك مستواه

يا حول الله

جلا جلا 

قرب يا وله

بص وشوف

حاوى الحواه

فى إيده عصاه
عالصبح ساق حماره

لمعرض سوق الحياة
نصب ميزانه

وفَتح مزاده

والغريبة شوف المؤمن

إستهل كلامه

باسم الإله

وبدأ نداه
عشان كُله

يشترى فى كُله

 واللى ناوى بيع 

أهوا برضه باع
من كل لون

راح تلقى زبون
يشترى حتى الهوا

هوا ده الكلام التمام

الكلام اللى

ما بعده كلام

إيــه دنيـــــــــــــا

بندور فيها عالستر

ويلا حسن الختام

ماهو مؤمن

 مافيش كلام

قرب يا أفندى

إتفرج يا بيه

تعالى يا مدام

البند واحد

حمار عظيم

حمار حكيم 
عقلة قويم 

جسمه سليم 
ياما إتحَمل

وجسمه نمَل
مْن الضرب فيه
أيام تجيه حلوه كويسه 
و أيام تجيه يكرة ما بيه
مسكين شال كتير

أُُمرا و حمير 
و نسوان بقُفه

وعيال بزير
ماحاول بيوم يعمل غزال

ولا فكر مرة يمشى بدلال
أو يغزل آهاته على موال

حمارنا

حبيبنا

دايما

راضى بقسمته

وأهى ماشية

مرة تبن

ومرة برسيم

عارف مقامه

وراضي بمنامه

دوغرى فى نهيقه

وصديق صديقه

حمار حصاوى

ونعم النسب

ويا بخت اللى غاوى

يلا يا سيدنا

يلا يلا يا خال

دا حمارنا فل

وعال العال

شهادته عالية

وبردعته غالية

مأصل

من يوم يومه

ومن كان جحش

لحد مابقى حمار

صقفوله صقفه كبيرة يا عيال

ومن حضرنا للبيعة شيال

يلا يفصل دا الحمار

وسيبك يا سيدنا

من سوق الجِمَال


    بتلاته صاغ    

ببريزة

لأ بريال

دى تحويشتك ماتجيبش

كيسين شعير تيفال

وشبكِتك

جرسين ولجام وحدوة

يا ميلة بختك يابنتى

يا ست الحسن والجمال

بس يلا

يابخت من وفق راس حمارين

فى الحلال

وسترة الحمير واجبة

زى ما أبويا الحمار الكبير قال

نهّق حمارنا

نهيق الصابرين

وقال يا معين 
على دا البخت اللى مالّ

وكل الشقا صار الحال

وآخرتها شوية المهر .. ريال

هيا بيعة وشروة

ولا جوازة يا أندال

يلا يا جحشة

يا حمارة عين أمك

أسلخى حمارك حلالك

فى التو والحال

أوعى تسيبيه يبرطع

هنا ولا هنا

قصيله ديله

واركبى فوقه بنهاره وليله

وغميله عينه بكتر العيال

حاتهدي حيلوا

لا حايسرح يمين

ولا حا يروح شمال

حمارنا العريس

رَفَص .. نهق .. عيط

نهق بصوته موال

ولاحد سمع وعَبَر أو حتى فَكَر

مع انه نهيقه وصل

لجوه سوق البغال

بس هوا اللى حمار إبن حمار
مين اللى قاله

يا حمار أفضل حمار ؟؟

يا حمار

ليه تقلع بردعتك

وتنزل سوق الجَمَال

دا حمارتك العرجة

أحلى من جحشة تدلع بخلخال

دا الحمار لو يختشى

من بنت عمه ما يجيبش منها عيال

وخسارتك

يا حمار أمك في زمن

الرقص فيه على كل الحبال

دوامة يا صاحبى

وحاتلف فيها

عالكعب يا شيال

وتصبح مجنون غباوتك

ويزقلوك بالطوب العيال

وحكايتك عالربابة

يغنيها بكره متقال